CP 152, 71

From Rpalmer
Jump to: navigation, search

CP Volume 152 Folio 71

HMC Vol 1 Page 195 Number 642

Haynes Page 267 Number 249

Transcribed by Samuel Haynes in “A Collection of State Papers . . . 1542 to 1570” London, 1740

21 March 1559 A Challenge from the Duke of Chastellerault to Monsieur de Sevre, Ambassador from the King of France to the Queen of England

From a Copy indors'd by Secretary Cecill.

LA presente sera pour vous aduertir, qu'il est venu à nôtre congnissance, vous auez reporté à la Royne d'Angleterre & à son Conseil, que nous auons puis n'agueres enuoyé vers le Roy & Royne de France, pour demander Pardon pour nous & nos amys des Crimes par nous commis en ce pays d'Escosse; jaçoyt, qu'à la verité nous n'auons jamais cherché pardon ne remission, ainsy que sommes advertis que vous allegués qu'auons faict; pour aultant que n'auons rien faict que pour l'aduancement de la gloyre de Dieu, & pour mayntenir l'ancienne liberté de ce Royaulme. Et s'il y a homme en France, quel qu'il soit, le Roy excepté, qui vueille dire & maintenir, que nous avons cherché ny faict chercher, ou demandé, ou faict demander aulcun pardon ou remission des crimes, par vous alleguez, nous voulons dire & maintenir ce estre faulx & controuvé; ce que nous verifierons ainsy que le cas requera. Et si vous mesmes vous estes de tant aduancé que d'auoir mis ces choses en auant, comme sommes aduertis qu'auez faicts, nous vous aduisons, que nous auons cent gentils hommes de nôtre norriture, le moindre desquels est suffisant, (vous estant hors de la charge d'Ambassadeur que portes pour le jourdhuy) qui vous respondra de sa personne à la vostre, en ceste querelle qu'auez faulsement & malheureusement menty. Faict à Hamylton ce xxime jour de Mars 1559.

James Duke of Chastellerault.